JULIOMAGUS

I.

JULIOMAGUS

altera, urbs Germ. s. vicus, in Suevia Cisdanubiana. Pfullendorff Rhenano. Cluv. est Dutlingen, dit. Wirtemberg ad Danub. 5. mill. Germ. a Scafusia in Bor. uti 7. a Constantia; 7 a Tubinga in Mer.

II.

JULIOMAGUS

quae Andes Caes. Andegavi de Bell. Gall. l. 2. c. 8. l. 3. c. 2. et l. 7. c. 1. Plin. l. 4. c. 18. et aliis, utbs Gall. Celt. Epicopal. sub Archiep. Turonensi, vulgo Angiers. Dicta, quasi Iulti urbs, nomine Latinogallico, sive a C. Iul. Caes. sive ab Aug. qui et ipse Pattis sui adoptivi Iulii nomen tulit. Caput Andicavotum, quo nomine in vett. Notitis non rato venit: in antiquis etiam Franciae Regum nommis, monetam saepe legimus percuslam Andecavis, i. e. Iuliomagi, gentis capite. Recentiores Andegavum urbem appellant. Hanc cum Regino a Meduana ex parte Britanniae allui et Cat. Rege Francorum utbem a Normannis occupatam obsidente ac sedevalidâ circumdante, Salomonem Ducem Britonum ab eo atcessitum, ultra Meduanam fluv. cum copiis consedisle, refett: satis indicat, urbem Andecavos tum citra Meduanam vel ad sinistram Meduanae ripam totam positam fuisse, quae postea a Comitibus consulibusve suis, et, uti aiunt, a Ioh. Rege Anglorum, cica A. C. 1213. insigniter aucta est, pomoerio trans fluv. praefatum prolata, ita ut, qui olim alluebat amnis, pridem fere mediam ac geminatam interfluat: qualis a Vilhelmo Brittone Armotico describitur in Philippidos l. 10. abhinc Annis 450.

Protinus Andegavim nullo munimine cinctam

Ingressus, lapide incepit murare quadrato.

Quam Liger argento perlucens ambit ab Austro;

A Borea rubeus mediam Meduana pererrat:

Qui suus inde fluens quasi per duo milia lapsus

In Ligerim, nomen perdit, mutatque colorem.

Eandem Theodulphus Aurelianensis Ep. cum Basilicis suis, ante Vilhelmum modo laudatum Annis quadringentis, sic descirpsit:

Quam Meduana morans sovet et Liger aureus ornat,

Quam rate cum levi Sarta decora iuvat.

Fruge, ope, nundinis, pulchris et rebus abundans,

Obsita seu sanctis est bene tota locis.

Loca autem sancta sic enumerat, Basilicam S. Albini, Basilicam Ioh. Baptistae, Basilicam B. Matini, Basilicam S. Saturnini, Cellam S. Petri, Basilicam Sergii Mart. Basilicam S. Maurilit vel Maurilionis, Basilicam B. Anniani, Basilicam S. Mariae transmeduanensem vel transpontinam, Basilicam S. Germani Ep. Andicavensis, Basilicam S. Michaelis, et atria S. Mauricii Mart. ubi Pontisici sua plebs cum clero junitur, i. e. majorem Urbis Eccl. vide Hadr. Vales. Not. Galliae, in voce Andes, ut et supra in eadem.